بصراحه مش عارفه ابتدي منين ولا اقول ايه
اولا بعتذر عن غيبتي الطويله دي لان بصراحه نفسيتي محطمه من اللي بيحصل وانا واقفين متكتفين ومش عارفين ولا قادرين نعمل حاجه
ساعات كتير بيجيلي حاله قرف من الحاله دي
بس كان لازم النهارده ادخل واقولكم خبر بعتبره كويس
وبصراحه خرجني من اللي انا فيه شويه
انا رحت امبارح لرانا ( يوميات نائمه في الارياف ) في مقر الجمعيه ( رساله)
صحيح كانت زياره سريعه ومختصره لاني كنت خارجه من الشغل ومرهقه
وهي كمان كانت وراها شغل كتير
بس بصراحه حسيت براحه نفسيه كبيره جدا
اولا علشان شوفت بنت بلدي وهي شخصيه هايله جدا لذيذه ومحترمه وتحب تقعد وتتكلم معاها كتير جدا
وكمان اتعرفت بسرعه كده علي نشاطات سريعه في الجمعيه
وكان لازم اجي واقولكم علي الخبر ده
وان شاء الله الحاله دي تروح قريب والغمه تنزاح عن العرب والمسلمين قريب جداااا
بس انا خايفه انها تنزاح بعد فوات الاوان
بعد اما يكون كل شيء جميل فينا راح
عاوزه اقولكم كلكم وحشتوني اووووووي
وحشني كلامكم ووحشني كلامي معاكم وليكم
يااااااااااااااااااارب
ملناش غيره اكيد
وان شاء الله راجعه قريب
14 التعليقات:
اول تعليق
ل
رومانسى
ان شاء الله الوضع هيتغير لاحسن ونعيش فى حب وسلام
انتى مش تضايقى
كفايه اننا نقدر ندعى دعوه حلوه
من قلبنا
واكيدالنصر قريب ان شاء الله
ترجعى بالسلامه
وابقى سلميلنا على رنا
وربنا يوفقها
ايه ده رومانسي انت بتلحق تيجي ترد بالسرعه دي ازااي
:( ههههههههههههههههههه
ما علينا
المهم هونيها تهون عارفه ان الوضع صعب وينفعش يهون اصلا بس هونيها الكآبه والزعل والكلام ده مش هيفيدو حد بحاجه بالعكس ده هيضروكي انت انا رايي تحاولي تفوكي الكآبه ولو في مقدرتك تساعدي ساعدي واجتهدي في عملك
بيقولك اصعب حاجه لما الناس تكون مستنيه دمعتك وتلاقي بسمتك
وفي حكمه بتقول مش فاكره نصها لكن معناها ان الضربه القاضيه لعدوك نجاحك عاوزه تهزميه انك تقومي نفسك انك تنجحي في عملك ومتلقيش بال للي بيعملو
بجد في ناس كتير قاعده في النت وفي القهاوي وغيرو بيتخانقو ويزعقو علي اللي بيحصل ويتناقشو في مين الصح ومين الغلط ولو كان عندهم ذره عقل واهتمو بتمنيه بلدهم كل واحد في مجاله كانت وساعد علي قد ما يقدر
اكيد الوضع هيبقي مختلف
سوري علي التطويل
وان شااء الله نصر الله قريب
ومستنيه رجوعك لينا يا قمرايه
حمدالله علي السلامه عجبني قوى رد الأستاذه ريهام العربي .. ربنا يفرج كربك وكربنا جميعا أمين
حمد الله على السلامة :)
ماتشيليش هم .. ربنا كبير
مستنية رجوعك مرة تانية قريب بإذن الله
حمدالله على السلامه واكيد هتنورى المدونه من تانى ومستنين منك احلى الموضوعات
تحياتى
وانتى كمان وحشتينا
وان شاء الله ترجعيلنا بسرعه
والغمه تنزاح من على غزة يارب
ان شاء الله ترجعى
وتكسرى عالم التدوين
وهونى على نفسك
والله والله مفيش حاجه تستاهل
دعواتك بقى :::امتحــــــــــانات:::
اعيش نفس الكبوة النفسيه ووجدت الحل في التواصل مع باقي المدونين حتي لو لم استطيع ان اكتب او اترجم احاسيسي
لا تتغيبي و اجعلي شعار مدونتك شعارنا جميعا
تحياتي
كويس اني عرفت تقريبا اتعامل معاها المدونة دي وطبعا بعد صراع كبير بيني وبين الارتماريا من المدونات
ثانيا انا اتعاملت مع بعض فروع جمعية رسالة وربنا فعلا يؤجرهمخير
ثالثا انا باطمنك علي موضوع الغمة لانها موجودة لحد يوم القيامة هتروح وتيجي علي طول بس ممكن باختلاف المدن او الدول
هتروح وتيجي لحد ما نفوق من مشاكلنا ونعرف اننا كنا في يوم من الايام مسلمين
لحد كده كفاية علي كاول مرة
شكرا لسعة صدرك
looooooooooooooooooooooooool
يا فرحتي؟
بجد ؟
يا حلولي؟
يعني انتي شايفة كدة يا دنيا؟
بجد ربنا يكرمك يارب
بصي
انا عايزة اقولك اني فرحت جدا جدا جدا انك جيتي واني شفتك
وكان نفسي من زمان في الزيارة دي
ربنا يكرمك ويوفقك يارب
عايزة اقولك ان في زيارة لمعهد ناصر لزيارة جرحى غزة
شوفي كدة لو تحبي تيجي
عايزة اشوفك على طول
ماشي؟
romansy
ريهام العربي
ا\ وفاء بركات
قطرات من شواطيء الحياه
حياه بلا عنوان
blue-wave
mo5tar
احوال الهواي
وائل
رنا
كلماتكم دائما فوق الراس وفي القلب
وسأحاول الاخذ بنصائحكم الغاليه
لكن اعذروني حزن قلبي الان فاق كل الاوقات حزنا
فالاحرف لا تريد الخروج من فمي
والقلم يأبي التجوال بين اركان مخيلتي
فخيالاتي جميعها ملطخه بالدماء
ريهام
حبيت ارحب بيكي اول زياره ليا
وان شاء الله التواصل الدائم
وائل
برده اول زياره
شكرا لمرورك ومحاولتك ومجهودك لدخول المدونه
رنا
انا كنت اسعد بكتير صدقيني
وان شاء الله تتكرر دايما
وقوليلي تفاصيل اكتر عن الزياره ؟
Post a Comment